Regn har sin sjarm det òg

...iallefall når sola bryt igjennom på morgonen etter ein dag med regn. Alt ser så friskt ut da, og lufta er så god. 

I dag tidlig var det sånn, og eg knipsa nokre bilder på verandaen. 

Verandaen er eit prosjekt som har blitt ferdig i sommar. Flinke C har snekra alt sjølv! Eg har stått for beisinga, i 3 omgangar, nettopp på grunn av -ja regnet...:) Etterkvart skal rekkverket også få eit møte med malekosten, men er usikker på om eg skal male eller beise det, og om det skal bli kvitt eller få husfargen. 

Kva syns du?

Litt meir stæsjing blir det nok til neste år, og kanskje ein liten krukkekjøkkenhage? 

Har egentlig veldig lyst på ei sånn kvit sittegruppe i tre med benk og 2 stolar, men har litt vegring mot å skaffe oss enda meir som må vedlikeholdast med maling:)

På bildet ser du faktisk rett gjennom stova vår, og ut i hagen på framsida, taket du ser er leikestova. 

Eg elskar lavendel, til og med når den har sett sine beste dagar! I bakgrunnen her ser du musikkstudio.

Her har me ei lita frøken som akkurat har fått si fyrste tann, i ein alder av 9,5 mnd:) Herlig syns eg, at minstemann har hatt sånne  tannlause babysmil så lenge! 

No skal eg og den (nesten) tannlause ut å trille tur!

Ønsker deg ein fin søndag!

klem

litt av stova

Eg fortsetter på mitt prosjekt om å vise ferdige prosjekt. 

Stova er egentlig ikkje eit ferdig prosjekt, men meir eit ikkje-påbegynnt-prosjekt, for her er det ein langtidsplan om oppussing. Sidan det kan drøye, har me gjort ei lita oppgradering, og det er den som er ferdig no.

I november, når veslesnupp var ei veke gammal, var det nokre luftige dagar i stova, da heile veggen ut mot verandaen vart bytta ut. Før hadde me 3 meter brei skyveglassdør her, noko som egentlig gjorde den krinkelkrokete stova vår enda vanskeligare å møblere (sidan åpningen var i den enden som sofaen er no).

Når denne likevel måtte byttast ut pga aldersplager, forandra me til to vindu og ei enkel verandadør m vindu og sprosser. 

Veldig fornøyd med resultatet, spesielt etter eg fekk malt lister og sånn kvitt forrige veke.

I vår kjøpe me óg ny sofa, sidan sofagruppa me hadde fra før (heldigvis.....) hadde fått nye oppdrag. Ein u-sofa passa mykje bedre inn i den som sagt krinkelkrokete stova, og har endeleg gitt stova den romfølelsen og heilheiten eg har sakna her. 

Det som òg er veldig bra er at no er heile familien til stadigheit samla i sofaen, til forskjell fra før, da me nesten berre brukte sofagruppa når me hadde gjester:)

Vogga laga pappan min og broren min til storesnupp når ho skulle bli født! Veldig koselig å ha (og vanskelig å pakke vekk...), og fint å tenke på at den kanskje kjem til å bli brukt i generasjonar framover! 

Ein anna ting med affeksjonsverdi er bladstativet bak vogga, som me har arva etter søstra til Christian. Ho var så kreativ, og fann dette kasserte avisstativet, malte det med svart bengalakk, og hadde det i stova si. No minnar det oss om når me var på besøk til ho, og er i tillegg ei praktisk oppbevaring av blad. Eg pleier å ta vare på blad med fine framsider, og pynte med dei fremst alt etter årstid og jul og sånn. 

Og dette er alt du får sjå av stova vår på sikkert fleire år, he he:)