babyrom og gi-bort

Dette er jo ikkje akkurat ein interiørblogg, for eg har ikkje så mykje å bidra med på det området, men no viser eg alikevel fram nokre rom her frå Nøkkeldalen på løpande band.

Me er i skikkeleg organiserings- og opprydningsmodus her om dagen, for no er me leie av at alt er halvvegs og halvferdig og rot og kaos heile tida. Typisk meg er at når eg er nesten ferdig med eitt rom, så går eg vidare til neste, MEN no har eg som motivasjon å blogge (nesten) kvart rom etterkvart som det er heilt ferdig, og det trur eg er ein motivasjon som funkar på meg:) 

Syns alltid det er morro å sjå korleis andre har det heime, og litt morro å vise fram. 

Idag viser eg deg babyrommet;

Dette var kontoret vårt til i haust, og etter det har det gradvis teke form som babyrom. Me pussa det opp for 5 år sidan, så me trengte ikkje å gjere noko med overflatene no.

Etterkvart skal jo sprinkelsenga inn her (i hjørnet der leikekassen står no), og ein koloss av ein recliner-stol skal ut herfra. No står den berre her og ventar på at det skal bli plass til den i stova igjen (og det blir det ikkje før vogga er pakka ned igjen, og det syns eg er litt vemodig, så det skjer nok ikkje enda sjølv om vogga ikkje er så masse i bruk lenger...)

Me har ikkje plass til stellebord på badet, så da vart det stellekrok på rommet. Den skjønne handduken har svigermor laga.

Storesøster som nabo, ser for med at etterkvart blir det ein sti av leiker mellom desse to romma:)

Tallerkenhylla har eg malt kvit, etter at den var brun og blå når eg kjøpte den på bruktbutikken. Hadde egentlig lyst å fjerne bogane i nederste hylle, men det vart litt for omfattande for meg:)

Så om gi-borten:

Skjønne Maria med den kjempekoselige bloggen Schytt's hverdag, har ein gi-bort der du kan vinne boka "din kompetente familie" av Jesper Juul! Bloggen hennar er veldig inspirerande på små og store prosjekt, og på familielivet og mammatankar, og eg er veldig glad for å ha blitt litt kjent med ho og bloggen hennar. Du burde ta ein tur innom ho, både for å oppleve bloggen, og for å bli med på trekningen om denne boka!

Ønsker deg ein fiiiiiiiin fin dag! 

"og sånn går nu dagan"

-ein liten statusoppdatering fra Nøkkeldalen.

I denne posen er det serviettar og litt anna stæsj, til dåpen. 

Sånn pynte-planlegging syns eg er kjempemorro, og det er for øyeblikket min avkobling og kos:)

Desse rundingane med veslesnupp sitt ansikt, skal også brukast i sammenheng med dåpen:)

Her i Nøkkeldalen står prosjekta i tur og orden. Dei siste vekene, og dei neste, er kjellaren eit stort prosjekt. Musikkstudio, som har vore i kjellaren, er flytta ut i ferdig mikserom (hurra for ferdig mikserom!!!), og dermed har det vore klart for organisering og innredning av kjellerstove/kontor/gjesterom-rommet vårt. Snart er dette i boks, og til og med scrappekroken min er nesten oppe og går. Skal snart vise bilder.

Vaskerommet, som også er i kjellaren, vart billig-oppussa i februar i fjor, men siste finpussen og forbedring av systema, prøver eg å få orden på no. Her er også sykroken.

Babyrommet (som før var kontoret) har blitt innreda, og skal få siste finpuss, dvs ting opp på veggene. I den sammenheng har eg denne veka malt ein haug med småting (tallerkenhyller, knaggar, settekasse o.l) som har ligge leeenge i garasjen. Deilig å iallefall få kryssa av noko på to-do-lista...

Og denne veka kjem endelig god-sofaen (det vart den grå u-sofaen), og før det har eg store planar om ommøblering, storreingjering av stova og maling av vinduslistene fra me bytta vindu på eine stoveveggen i november, samt å få sydd dei der nye sofaputene da. Mission impossible, har eg mistanke om, men eg er optimist inntil sofaen kjem..:) Det skal forresten bli deilig med sofa igjen etter mange veker uten. Me flytta nemlig sofagruppa vår til kjellarstove og studio, og SÅ fekk me melding om at sofa-leveransen var 3 veker forsinka:)

Og min kjære mann, han står på og står på i musikkstudio, no er det listing og kobling og sånn det går i.

Så det er prosjekta me voksne jobbar med om dagane, for uten dei vanlige kvardagsaktivitetane og tiden med snuppene våre. Men dessverre så er det andre ting enn dette som opptar tankane våre no til dags. Ein av våre nærmaste familiemedlemmar er dessverre veldig sjuk, og har dei siste månadane meir eller mindre konstant vore innlagt på sjukehus. Det er både trist og nervepirrande.

Men me er jo veldig veldig heldige som har to solstråler i liva våre! Storesnuppa styrer mest med dokker, matlaging, butikk, tegning og hobbysaker, spesielt scrapping:) Det er interessant å høyre alt ein 4-åring tenker og funderar på, og å overhøyre når ho leikar. Og mini-snuppa, -ho berre smiler og ler ho:) For øyeblikket har ho ei bie som ho er veldig fasinert av, så det er hennar prosjekt:)

Har du nokre prosjekt du styrer med for tiden?

endelig ny kosedress!

Storesøster hadde ein kosedress ho var så glad i. 

Egentlig er ordet har, og ikkje hadde, for sjølv om den er 3 størrelsar mindre enn det ho brukar no, så hender det at ho fremdeles rullar den på seg. Eit litt rart syn igrunn, og ikkje noko ho får lov å forlate huset i:) 

Mønster, fleecestoff, ribb og hekleblonde fra stoff og stil, glidelås og kordfløyel (hjerte-lommene) er restar eg hadde liggande. 

Iallefall, ein ny kosedress er noko ho har ønska seg lenge, 
men som har vore vanskelig å finne i hennar størrelse 

(sidan sånne one-piece ikkje heilt var stilen). 

Så no har eg tatt saken i eigne hender, 
bokstavelig talt, og sydd ein. 
I dag har me hatt innedag med feber, 
og kosedressen har dermed blitt både ferdiglaga og brukt. 

eg: "kom så skal me ta bilder av deg med dressen!"
I: "nei,jeg synger og sånn nå! det er full fest her inne":- ja det ser igrunn ut som det ja:)

festivalensris

...det er navnet Ingrid har gitt til fastelavensris:) 

Me pynta vårt i går, med tøyremser og tyllremser samt nokre fjær me hadde fra før, inspirert av dei koselige bloggane schytts hverdag og huset ved fjorden. 

Greinene er kirsebærgreiner, og om nokre dagar tar me av pynten, og ventar på at greinene skal sjå ut som dette! Eg syns dei er heilt nydelige, og planlegger å pynte med sånne i dåpen. Så no tar eg tiden kor mange dagar det tar før blomstrane spretter, for å vite når eg skal ta greinene inn neste gang:)

Bildene er tatt inne på bebisrommet idag, sidan det var det einaste bloggifiserbare området med dagslys:) Har jobba litt med dette rommet i helga, for at det skal bli litt meir enn berre ein krok med eit stellebord. Eg og veslesnupp var på Ikea på onsdag og kjøpte garderobeskap, og i natt, mens husbond var ute og spelte konsert, og etter at mitt koselige venninnebesøk var reist heim, kom "skru sammen møblar"-iveren over meg (!). Når skapet vart skrudd sammen, MÅTTE eg jo henge opp kjolane hennar, og så MÅTTE eg omorganisere litt og rydde litt og pynte litt og stå å kikke litt og pynte litt anleis osv, og plutselig var klokka halv fire.... No gjenstår å henge litt opp på veggane, og så kan det hende eg viser fram vårt nye bebisrom:)

Ønsker dikka ein fin søndagskveld! 

oppbevaring på barnerommet

Kjenner du Alf Prøysen sin sang "julepresangen", om Jensenmann som skulle lage sybord til mamman sin, men endte opp med ei spekefjøl når han var ferdig med all høvling og saging? 

Litt sånn vart det når me kjøpte eit oppussingsobjekt av eit klesskap til babyrommet. Det viste seg etterkvart at skapet var i sånn stand at me bestemmte oss å heller berre ta brukbare deler av det, og kassere resten.

Me endte opp med 3 skuffer med nydelig lilla knottar, som på cm passa perfekt under senga til storesøster som sårt trengt oppbevaringsplass. Eit malingsstrøk, og å skru på små hjul bak på skuffene (sistnemnde står fremdeles på to-do-lista) var alt som skulle til. Og skapet var så billig, at skuffene var absolutt verdt prisen uansett:)

rosa og lilla

Ein dag eg rydda og vaska storesøster sitt rom, fekk eg lyst å forevige det sånn. Både fordi dette rommet har ein tendens til å ikkje holde seg så ryddig som akkurat da, OG fordi eg tenker barnerom stadig er i forandring mtp kva møblar/leiker/fargar/interesser eit barn har i dei ulike aldrane. Feks. kommoden som her er avbilda (og som egentlig er ein stellekommode), forsvant like etterpå ut av rommet og inn på babyrommet, for å fortsette livet sitt der nokre år, mens neste møbel inn på dette rommet sannsynligvis blir ein skrivepult. For litt over eit år sidan var det sprinkelseng her, no er det "voksenseng" som I så stolt kalla det. Altså; barnet er stadig i utvikling = barnerommet er stadig i utvikling, og nostalgikar som eg er, måtte eg feks no forevige korleis I sitt rom såg ut når ho var 3&4 år, for å ha det til eit minne når ho blir større:)

Gyngestolen hadde eg når eg var liten, og da var den mørkegrønn beisa:) Sengeteppet laga bestemor til meg når eg var liten, og det er eg veldig glad i! Og bamsen i gyngestolen, -den har husbonden hatt når han var liten. Koselig å kunne bruke sånne ting om igjen. 

Strikkejakka I hadde når ho var nyfødt. Den (og veldig mykje anna fint) har farmora hennar strikka!
Og utsikten fra rommet.... Den er foreløpig ein barkhaug som etterkvart (forhåpentlegvis) blir grønare og grønare.  For øyeblikket er den full av elgspor og rådyrspor, som du ser nede i venstre hjørne. Det er sjarmen med å bu i skogen:)

    

 

Ha ei fin veke! 

over senga

På ein lokal ting og tang-butikk fann eg dette nydelige skiltet, som eg ikkje klarar gløyme.  Syns alt er fint med det; fargane, stilen, skrifta, bildet, og ikkje minst teksten. Uansett om livet ikkje alltid er ein dans på roser, så har ein masse å vere takknemlig for. 

Har lyst å kjøpe eit til kvart av barneromma, og henge det over sengene.